#تمويل

تعتبر شهادات قناة السويس تجربة جديدة بالنسبة لمصر ففي العديد من  الدول كالولايات المتحدة اعتادت البنوك المركزية علي الاقتراض المباشر من العامة ولكن في مصر كان الوضع مختلفا شيئا ما ، فهنا نحن نعمل بنظام يسمي المتعاملين الرئيسيين والذي يتم من خلالة اقراض الحكومة من عدة بنوك تتنافس في بينها لأقراض الحكومة بأعلي فائدة ثم تبيع السندات والاذون الحكومية للعامة بفائدة اقل بكثير وتجني هي الفروق

طيب ايه مشكلة النظام ده ؟ المشكلة ببساطة مشكلتاين ان المستفيد الاكبر من النظام هو البنك مش المدخرين او الحكومة والمشكلة التانية ان دي اكتر حاجة مكسبة للبنوك وبالتالي البنوك مش محتاجه تتعب نفسها وتدور علي مستثمرين ممكن يخسروا وشغلانة وعلي ايه هي بتدفع للحكومة والفايدة مضمونة، وبالتالي الاستثمار بيتأثر بشكل سلبي جامد

شهادات الاستثمار الجديدة تعتبر نقلة للحكومة في التعامل المباشر مع الجمهور ، وده في حد ذاتة يعتبر تطور للنظام الحالي وده طبعا غير انه بيحط اختيارات اكتر للمدخر .

 بعض الاسئلة الشائعة في الفترة الاخيرة

هل الاستثمار في الشهادات هيخسر البنوك او البورصة  ؟

الحقيقة لأ ، هيبقي فيه تأثير طبعا بس التأثير ده هيبقي محدود لسببين

السبب الأول لأن كل الفلوس اللي محتاجاها قناة السويس الجهاز المصرفي بيعملها في اربع شهور بالكتير

السبب التاني ان الشهادات دي بديل غير تام للبنوك ، الشهادات تعتبر استثمار متوسط المدي ومخاطرتة اعلي من البنوك بالطبع،يعني مش كل المدخرين مستغنيين عن فلوسهم لمدة خمس سنين ولا ايه؟!بينما علي العكس البنوك ممكن تسحب تاني يوم فلوسك

طيب ايه المخاطرة للأستثمار في الشهادات وهو بجد ممكن يلغوا الفايدة عشان مسر ؟

المخاطرة عمتا في اي اسثمار بالجنية و البنك المركزي ضامنة بتكون صفر ، يعني ببساطة لو البلد فلست البنك المركزي هيطبع للناس دي فلوس

امال ايه حكاية المخاطرة دي ؟

بص يا صديقي دلوقتي الفايدة 12 % ودي فايده عالية بس افترض معايا ان كمان سنة السيسي عمل مشروع للطاقة جديد وعمل برضة شهادات وبتدي فايدة %14

في الحالة دي انت خسرت انك حطيت فلوسك هنا واتحبست 5 سنين مع انك كان ممكن تحطها في مشروع تاني وتاخد 14 % يعني انت خسرت %2

بالنسبة لألغاء الفايدة نصيحة مني اللي يقولك كده متردش عليه ، ببساطة لأن الاستثمار في قناة السويس مش للاشخاص بس فيه شركات تأمين وعندك جمعيات اهليلة وعندك مؤسسات تبع الدولة مشاركة فيه ، يعني فكرة ان الفايدة تتلغي عشان احنا بنحب مسر دي مستحيلة الموضوع مش ماشي حبي

اخر سؤال هو ليه الفايدة عالية اوي كده زي الريان ؟

اولا الفايدة مش عالية بعد طرح معدل التضخم اللي تقريبا 11 %  انت ببتكلم في فايدة 1 في المية

ثانيا الفايدة اعلي من البنوك عشان غالبا الاقراض طويل الاجل بيبقي فايدتة اعلي